البرواز و الصورة
22-03-2013, 07:05 PM
اليوم كنت في زيارة لمطعم باريسا في فندق شرق
واللي يعتبر المطعم الايراني الوحيد من فئة 5 نجوم في الدوحه
ومالفت انتباهي : ان الاكل روعه ماشاء الله ,, لكن الخدمه تعبانه .
http://alqatareya.net/uploads/1387583027931.jpg
والاحظ دايما ان في ناس تتذمر من اكلات معينه في بعض المطاعم
وعلشان جذي حبيت اشارككم شلون تتصرف لما تطلب طلب من مطعم ويكون دون المستوى
ومب شرط تكون ماكله من قبل .. مثلا الاكل (مالح / زفر / مو مطبوخ عدل / أو فيه شي انت ما تحبه طماط ,مشروم, بصل .... إلخ )
1- أول ما يوصل الطلب ممكن تنادي الجرسون , أو مدير المطعم وتقوله ملاحظتك سييييده .
2- لا تنتظر إنك تاكل نص الطلب وبعدين تقوله ملاحظاتك, يكفي من أول لقمه أو الثانية .
3- المفروض على الجرسون أو مدير المطعم إنه يتصرف بذكاء ويراعي شعورك ويعرض عليك حلول سريعه علشان يرضيك .
4- حط لك حد لرضاك . يعني :
- تبي نفس الصحن لكن مع تعديل الخطأ الملاحظ
- أو تبي تغيير الطلب وتطلب شي بداله
- أو انك تكتفي انك تلغيه من الفاتوره
http://alqatareya.net/uploads/1387583027952.jpg
يعني مو تترك الموضوع حاير بينك وبين مدير المطعم , يقولك شنو تبي يعني ؟ تقوله مادري !!
5- أهم شي لا تنفعل . ولا تغلط . او تصارخ . وتتبي تتهاوش لانه راح تكون ضعيف, وأنت اصلا في موقف الاقوى .
6- استغل الفرصه لما مدير المطعم يمـرك ويسألك اشلون الاكل ؟ او الخدمه . موتقوله زين وبعدين تطلع وتقول المطعم زفر او انك تقوله اكلكم مب حلو , وانتو ماكلين كل شي !!
7- لا تنسى تشوف الفاتورة. وتتاكد انه ماحسب الطلب مرتين, او انه شطب الطلب في حال رجعته .
8- انتقد الخدمه لما تشوفهم مايعرفون يتصرفون . أو المدير ما يعرف شنو اللي لازم يسويه علشان يرضيك .
9- أحسن مكان للنقد هو تويتر مع هاشتاق باسم المطعم, او تسوي لحساب المطعم منشن واكيد راح يوصل للمسؤول عنه .
10- ولا تنسون دايما المطاعم الزينه لازم نمدحها علشان تستمر وتتطور للأفضل, واللي عندنا عليه ملاحظات لازم نوصلها له بطريقة صحيحة علشان يضبط حاله .
تعليق : شكرا" للأخ علي المسلماني على هذة النصائح و الارشادات الي فعلا" مفيدة و مباشرة و تعمل على تحسين جودة الخدمة الي كلنا في النهاية نسعى لة .
http://alqatareya.net/uploads/1387583028023.jpg
واللي يعتبر المطعم الايراني الوحيد من فئة 5 نجوم في الدوحه
ومالفت انتباهي : ان الاكل روعه ماشاء الله ,, لكن الخدمه تعبانه .
http://alqatareya.net/uploads/1387583027931.jpg
والاحظ دايما ان في ناس تتذمر من اكلات معينه في بعض المطاعم
وعلشان جذي حبيت اشارككم شلون تتصرف لما تطلب طلب من مطعم ويكون دون المستوى
ومب شرط تكون ماكله من قبل .. مثلا الاكل (مالح / زفر / مو مطبوخ عدل / أو فيه شي انت ما تحبه طماط ,مشروم, بصل .... إلخ )
1- أول ما يوصل الطلب ممكن تنادي الجرسون , أو مدير المطعم وتقوله ملاحظتك سييييده .
2- لا تنتظر إنك تاكل نص الطلب وبعدين تقوله ملاحظاتك, يكفي من أول لقمه أو الثانية .
3- المفروض على الجرسون أو مدير المطعم إنه يتصرف بذكاء ويراعي شعورك ويعرض عليك حلول سريعه علشان يرضيك .
4- حط لك حد لرضاك . يعني :
- تبي نفس الصحن لكن مع تعديل الخطأ الملاحظ
- أو تبي تغيير الطلب وتطلب شي بداله
- أو انك تكتفي انك تلغيه من الفاتوره
http://alqatareya.net/uploads/1387583027952.jpg
يعني مو تترك الموضوع حاير بينك وبين مدير المطعم , يقولك شنو تبي يعني ؟ تقوله مادري !!
5- أهم شي لا تنفعل . ولا تغلط . او تصارخ . وتتبي تتهاوش لانه راح تكون ضعيف, وأنت اصلا في موقف الاقوى .
6- استغل الفرصه لما مدير المطعم يمـرك ويسألك اشلون الاكل ؟ او الخدمه . موتقوله زين وبعدين تطلع وتقول المطعم زفر او انك تقوله اكلكم مب حلو , وانتو ماكلين كل شي !!
7- لا تنسى تشوف الفاتورة. وتتاكد انه ماحسب الطلب مرتين, او انه شطب الطلب في حال رجعته .
8- انتقد الخدمه لما تشوفهم مايعرفون يتصرفون . أو المدير ما يعرف شنو اللي لازم يسويه علشان يرضيك .
9- أحسن مكان للنقد هو تويتر مع هاشتاق باسم المطعم, او تسوي لحساب المطعم منشن واكيد راح يوصل للمسؤول عنه .
10- ولا تنسون دايما المطاعم الزينه لازم نمدحها علشان تستمر وتتطور للأفضل, واللي عندنا عليه ملاحظات لازم نوصلها له بطريقة صحيحة علشان يضبط حاله .
تعليق : شكرا" للأخ علي المسلماني على هذة النصائح و الارشادات الي فعلا" مفيدة و مباشرة و تعمل على تحسين جودة الخدمة الي كلنا في النهاية نسعى لة .
http://alqatareya.net/uploads/1387583028023.jpg